Heiss

Hi

so jetz isches wider es zitli haer als ich sletschte mol gschribe han. Was isch passiert, was han ich gmacht zit denn? Ich bi ammene obe mit es paarne vo dr Schuel go chlaetere inne chlaeter halle! das isch mega cool gsi, vorallem s'pulderae! ueberhaengend ohni seil, drfuer mit Matte und numme oepe 1.5m ueberem Bode!

Im letschte Wuchenaend simer mit dr Schuel (80 Luet) in Whistler gsi! Das isch ganz guet gsi! Am Samschtig bini mit es paarne uf e Whistler Mountain, dass isch e Berg vo ca 2500m Ueber Meer! d'Usicht isch zimmlich aendlich gsi wie in dae Berner Alpe! e mega Panorame mit schnee Baerge! spoeter simmer immenae Gletschersee go Bade! isch sehr erfrischend gsi!
Am Sunntig han ich mit 10 andernae ae Bungee Jump vonere mega schoen glaegene Brugg gmacht! Dass isch verrueckt und geil gsi im gliche Moment!

sWetter isch zit am Samschtig mega Heiss! Am Sunntig heigs schins in Whistler mit 38 grad dr Hitzereckort gha! moment heimer also au 35 grad!

In dr Schuel binn i dra, und es got ufwaerts! dr Tescht am letschte Frittig isch guet gsi! Was echli bloed isch, dass es so vill Schwiizer umme het! ich merk grat wenn ich zvill Duetsch due redae, isch das nit so super fuer mis Englisch! Ich gang jetzt amme mit Japaner go zMittagessae, das isch mega luschtig und guet fuers Englisch!

Wie gots mir?: eigentlich ganz guet, Zit vergot hammer schnell! Isch halt nit immer eifach mit dem Englisch! vorallem ich bi mit sehr wenig kenntnis do ahne cho, zwuesche ninae findi "wou" das isch jo hammer vorwerts gange, und im andere moment dunkts eim wider es got nit so vorwerts.

Es isch e mega gueti Schuel fuers Laebe so elei neume ahne zgo! wenn of die elei gstellt bisch vosch vill, vo nerae anderi Sicht afe aluege!

Huett Zobe hei mir da amm meer e mega Fuerwerk! sig schins e mega psunders!

Ich wuensch euch allne mega Gottes Segen
Liebe Gruess Rolf

Zwoiti Wuche

Hallo

Mitlerwiele han ich mi do ganz guet iglaebt. letschte Sunntig bin ich mit dr Schuel im Lynn Canion gsi! Dae isch nit so gross wies toehnt! und wanderae isches au nit gsi! es isch mehr es spatziere gsi! aber schoen isches gsi, spetzielle an dem Lynn Canion isch e Haengebgrugg uebere ca 50 m breiti Schlucht! Ich ha leider kei Digi Cam, ich bi am Foetele mit miner Analog kamera! aber ich lueg dass ich no Bilder in blogg cha due! cha sicher mol e Digicam uslehne!

dSchuel isch die Wuche au ganz guet gange, dr Tescht am Fritig isch scho einigers Besser use cho! Huete hei mir no es Gsproech mi dr lehrerin gha! ich han ihre gseit dass ich eigentlich scho will ufstige aber so wie ich dr dr erschti Tescht gmacht han gseh nis nit ganz, und letschte Fritig han ich 65% richtig gha, und 70% bruch ich zum ufstiege. Si het denn gmeint vom Lesae und Lose wuerds sicher laenge aber ebae die Grammatik! Ich ha se denn gfrogt obs possible (machbar) isch! si het gmeint: with very hard work is possible! em, also gaebe mir das wo got und denn luege mir aendi Monet! :-)

dr dWuche gang ich eigentlich nit so in Usgang, halt nit so vill vo Night Clubs und so!
am Samschtig bin ich bi dr Granville Island gsi, dass isch so ne Tourischte halbinsle mit jedae maengi Pubs und beizli und innerae halle e mega grosse frisch Wahre Markt. dr Markt isch sBeschte gsi, doert hets Grepes gha, Glaces, Pizzas, frisch fisch, frisch Brot, frisches Obscht usw. nocherne bin ich mit em Bus an Ozean gfahre (fuer die wos kennae: das isch bi dr Universiti British Columbia) und bi denn dr Sandstrand ab zur Downdown gloffe! dass isch hammer gsi so ne mega breite Sandstrand. Zobe hei mir bi dr Homestay (Gaschtfamilie) e Geburi Party gha vo dr beschte Fruendin vo dr Gaschtmueter.

Am Sunntig bin Ich in Coastle Church, und nocherne an English Bay Beach!

am Fritig isch dr Homestey brueder vo Columbia gange, und geschter isch e au 1982er vo Sued Korea cho!

Am mittwuch gang ich mit dr Schuel mit go Chlaeterae inae Chlaeterhalle!

Nechscht Wuchenaend gits e grosse Trip mit 80 luet vo dr Schuel uf Wisthler! Das isch schins e mega Schoens Tourischte Dorf in dae Bergae! Am Winer e bekannte Schii Ort. bi gspannt! :-)

aa no zum mim Gepaeck!!: das isch denn no drei Tag spoeter nach miner akunft cho!

Wetter: letscht Wuche isches recht bevoelkt gsi, und het e bizli graegnet! zit am Samschtig isches wider super schoen und so ca 27%!
aber grundsaetzlich isches do im Summer e bizli chueler als in dr Schwiiz.

Liebe Gruess Rolf

1. Wuche

So diae erschti Wuche inemae andere Land ufere andere Sitae vo dr Welt, mit anderne Luet und e andere Kultur isch verbi!

die Schuel wo nich mach isch ganz guet. si het herti und strengi reglae, aber ich daenk dass mues si wenn mit so vill verschiedene Kulture ztue hesch. Zum bischpiel wenn du zschbot chunsch chasch nuemme eifach in dKlass inne go, denn musch zum
Sekretariat, doert go bichte dass du zschbot chu bisch, si gebae dir denn e bestaedigung dass dus bisch cho meldae und denn chasch retour in Klass.

Und uebrigens ich ha gmeint ich miech e schuel in Canada! aber in der hets mehr schwiizer als Luet vo anderne Laender. Isch wirklich enorm wie vill
Schwiizer das es do het. Brasilianer si au ganz guet vertraete aber sChlinae Land Schwiz isch an erschter Stell.

letschte Mentig hei mir dr Start gha in dr Schuel und dItrits Pruefig. Ich bi im Level 2 vo 10 iteilt worde. isch ganz guet ich has Gfuel mir si alli Schueler in dr Klass oeppe glich wit. eis Level got denn immer 4 Wuche, und denn wenn du an de Fritigsteschts und an dae Muentliche bewaertige ueber 70% richtig hesch chasch eis Level ufstiigae. Das het fuer mi nit so guet agfange, ich han es zimlichs black out gha geschter bim erschte Tescht.

Mir si jetzt drei Studente bi dr gliche Gaschtfamilie, dr Carlos vo Brasilie isch e Tag nach mir no acho. Er chund in die gliechi Schuel wie ich. Dr Santiago vo Columbie got nechschtae Fritig und denn chund schins e Koreaner.

letschte Mittwuch bin ich innerae Chillae gsi do in Vancouver. si heisst Coastle Church. Sie hei e mega beruerende Lobpriis gha mit mega gueter Baend.

Huette bin ich mit es paar Brasilianer und eim Schwizer uf em "Greouse Mauntain" gsi. Das isch so Quesi dr Huusbaerg vo Vancouver. mir si vom fues vom Berg ufe gloffe, will dGondelbahn 30 doller koschtet het. isch e mega steile Ufstiig gsi. mi het aber grat gmerkt wer dBergae gwoent si, mir oder dBrasilianer :-). vo Obe het me e mega schoeni Ussicht gha. mir het Vancouver gseh und uf Vancouverisland uebere gseh.

Zu dr Kultur: Bi miner Gaschtfamilie, und au bi anderne, do lauft dr ganzi Tag dr Fernseh (aemel sicher eine vo denae villne). Und in dr Schwiz simer doch gwoent ufe nander zwarde bim Afo Essae, do nit.
dLuet in Vancouver si aber mega Hilfsbereit und Gaschtfruendlich, si goi au (find ich) vill schnaeler und spontaner uf luet zue. (Ich wird sogar indae Laede, mit mim brochenae Schwiizer Englisch mega Fruendlich bedient.) :-) !!

Morn gangi miter Schuel mit ufe Usflug in Lynn Canion. sig schins mega schoen mit erae lange schmale Haenge Brugg. freu mi.

wuensch euch e gueti Wuche und Gottes Saege.
Rolf

Us Vancouver

Hallo Zaemme
Ich bi Huette in Vancouver acho! es het scho die erschte Useforderige geh!:
Eigentlich haet ich jo geschter selle acho, aber dr Flug in Zueri het e ganzi Stund verspoetig gha und so isch dr witterflug in London ab! Britisch Airwais het denn allne Passagiere wos e so gange isch e uebernachtig immene Luxus Hotel in London Heathrow zahlt! mis Zimmer haetti 180 Pfund koschtet :-/! Huette Morge in London ischs ganz guet gange, Mir si us dr Schwiz 4 Soloreisendi gsi und ei Familie mit zwoi chind wo huette mit em gliche Flug witter si! dae Flug huette isch vo dr Air Canada gsi! Isch fuer mich e mega Saege dass das ganze Umbueche so guet gange isch. ich ha immer Luet umm mi umme gha wo mir mit em Englisch gholfe hei!

Dr naechschti schreck hei mir Schwizer in Vancouver bi dr Gepaeck abgab gha!! das cheibe Gepaeck isch und isch nit cho! die vo dr Canada Airlines hei gfund Typisch British Airwais! Jetzt Hock ich do bi dr Familie ohni Gepaeck :-/ !! Ich mues aber saege dass ich erstunlich ruhig bi! Gott het mir stark duetlich gmacht dass sVertraue uf ihn zaehlt.
mit em abhole vum Flughafe het trotz e Tag verspoetig guet klappt.

bi daem Ehepar wo nich jetzt 10 Wuche due Wohne, isch no e Junge us Columbia iquatiert. die si do voll uf Studente igrichtet. dr unterstock isch voll fuer Gaescht, do haets chuelschrank, Badezimmer, e Living room. ich han in mim Zimmer sogar Telefon und Fernseh!

no waeg dr Zit: Canada isch zu dr Schwiz 9h hinde dri!
moechets guet! Liebi Gruess Rolf