Hello together
How are you? My life here in Vancouver is pretty good!
My English is getting better step by step. Yesterday I began level four English! In this class we have a very good teacher because he is very active and makes the class interesting and fun. Last sunday I went to the Church, and met a lot of good people. After church we went to the beach. We ate pizza, and we talked and we sang wohrship songs. This was a lot of fun. Last weekend I took a lot of photographs with my friend's camera. My friend will burn the photoraphs for me on a CD! I think I will be able to up load the photographs on Saturday to the Blogg!

Here less photoraphs from the redbull day! they took a frend from the school!
God bless you! Rolf

Zit got schnell

Huette isch serscht mol sit am Samschtig bewoelkt! Mir hei do Zit am Samschtig sehr heisses Wetter gha!

Letschte Fritig bin ich mit dr Schuel in Deep Cove go Kajak fahre! Deep Cove ischs Suedlichscht glaegene Fiord in Nordvancouver. Und isch mega schoen!
Am Samschtig bin ich mit einige Schwizer am Redbull Flug Tag gsi in Vancouver. Das heimer in dr Schwiz au! do gumpe Luet mit selbergmachte funny flugobjekts vonere Rampe ins Wasser! Das isch eifach luschtig!

Am Sunntig het die chille vo nich gang e grosse Tauf alass am Strand gha! 25 Luet, us verschiedene Kulture und verschiedene alter hei sich lo Taufe! das isch mega beruerend gsi! fuer mi isch schoen gsi, dass mi Homestey Brueder mit cho isch und recht beruert gsi isch! Nachdem isch in dr Chille oeffentlich e Film gloffe ueber Missionare in Equador: "The end of the spear"! Isch e recht harte film gsi, aber mit ere guete message! geschter binn ich mit drei Kollege go "World trail Center" im Kino go luege. Das isch dr Neu Film ueber e 11.9.2001 in New York!

Und do no fuer euch e gueti Nachricht: ich wird bald Foeteli in blog choene due! e Kolleg lehnt mir uebers Weekend si Digitali Spiegelreflex Kamera us, no wird ich chli choene Foetele fuer euch!

No mehr zu dr Kultur: Ich glaub ich ha das gar noni erwaehnt: Vancouver isch e mega Multi Kulti Stadt! Du gsesch in dr Stadt Luet vo allne sitae vo dr Waelt! Vancouver het sehr vill iwanderer vo de Asiatische Laender! Das merksch au an de Restaurands, es het sehr vill Japan, Korea, China, Vitnamesischi etc. Restaurands, aber au einige Sudamerikanischi!

Isch sehr schwer zum Saege was Canadischs Esse isch, will alli Luet in Kanada Iwanderer si und e teil vo ihrer Kultur mitgno hei! Was sehr verbreitet isch, isch vill Fisch, vorallem Lachs :-)mmmmmmmmmmmm (das find ich e ganz gueti sach) und halt fett haltigs Amerikanischs Esse Steak, Schnitzel, Hottog, hamburger etc.

was ich echli vermiss isch richtigs guets Brot! Mami: dini Sundigsmorge Zuepfe! und au Emmentaler, grueerzer, Tillsiter......!!!! Aber was Canadier choi, das isch Sandwich mache, und das ganz gueti, nit wie bi eus Betty bossi Sandwich wo ei Tranche Schinke dinne isch, nei do isch meischtens mehr Inhalt dinne als Brot. Es git do so Restaurand Cheti wo Sandwich und Donats hei, einigi fo euch kenne die villicht: Tim Hourten und Subway! Was es fuer mi zvill het, isch Star Bucks Restaurands, bracktisch an jedem Block hets eis!!

So mir hei jets do 10 ni Zobe! ich gang jetzt denn go schlofe, und dir sit allwe grat am Ufschto! e schoene Tag wuensch ich Euch!

Liebi Gruess Rolf

Schuel Halbzit

geschter vor sechs Wuche bin ich do acho, und in sechs Wuche wird ich Vancouver verlasse. Ich wird denn ei Wuche mit zwoine vo miner Klass go dVancouver Island go bereise. Und denn wird ich uf Amerika abe go in yello stone Nationalpark. Ich cha doert go schaffe zunere Frau wo miteme Indianer Pflegesohn ufere Farm lebt mit 33 Roesser und einige Schof. Ich wird vorussichtlich 1 Monet doert si. Das mues e ganz spetzielli gegend si! ich freu mi uf die erfahrig! Im mim letschte Monet, im November, wird ich denn go Reise!

So Und jetzt no chli zu mine Erlaebniss: geschter bin ich mit dr Schuel go river rafte! Mir si in Vancouver am morge am 8.30 abgfahre und si ca am 11.30 am Thompson river acho! dBoot fahrt isch ca 4h gange: aber nit staendig mega wild! Es het 6 Stelle gha wo recht abgange si, aber dr zwische hemer choene in 12 grad warme (chalte) Fluss go Bade, oder hei e fight gha miteme Andere Boot (smile). mir si denn oepe am 10ni Zobe in Vancouver acho.

Huette Bin ich in Vancouver in dChurch, isch e sehr beruerindi Predigt gsi! Sie hei e Predigt serie uebers Johannes Evangelium. Huette isch Johannes Kapitel 10 dra gsi. Wo Gott seid das mir sini Stimm werde ghoere und er Euse guet Hird isch! In Johannes 10.10 seid Jesus: Der Dieb kommt um zu stehlen, zu schlachten und zu vernichten ich aber bringe Leben und dies im Ueberfluss! Ich darf dass immer wider erlaebe, sit ich mis Laebe Jesus uebergeh han, dass er mis Herz vo Tief ihne duet beruere! Do erlaeb ich das stark, indemm das Gott mich in mine Gebaetszitae ganz Tief beruert und mir zfriede Heit und Tiefi Freud schaenkt!

Nach dr Church bin ich mit zwoi Japanerinne und eme Schwizer go Japanisch esse, und aschliesend dr Queen Elizabeth park go psueche, wo strahlt mit schoene Blueme Felder.

God bless You!
rolf

Jupi

Swetter isch do moment staendig am waechsle! Einisch bruchsch e Pullover, spoeter hesch mit T-Shirt scho fascht zheiss!

Uebrigens! dass het denn letscht Wuche no klappt! ich bi mit 73% ins naechscht Level ufgschtiege! Ha mich mega gfreut! will ich ha nuemme so dra glaubt! so binn ich jetzt im Level 3!

Letscht Samschtig isch dr Homesteybrueder vo Brasilie hei gange! und am Sunntig isch dr Edgar vo Mexico City cho! Er isch 18ni und so e richtige funny boy!

Geschter Zobe binn ich wie letschte Mittwuch am Special of Light gsi! Das isch e Fuerwaerk reihe vo 4 verschiedenae Taeg und jedes mol ischs emmaene andere Land gwidmet! letscht Mittwuche isch Italien gsi und geschter Tschechien! letscht samschtig isch China gsi (aber doert bini nit gsi)! pro Fuerwaerk hets oepe 400'000 Luet! too much!
letschte Fritig heimer vo dr Schuel us e Boot cruise Party gha! das heisst dass isch e Party gsi ufme Schiff, mit villicht 400 Luet! sPanorama in dr Nacht isch super gsi! Getraenk si enorm tuer gsi!

No oepis zu dr Kultur! fuer d'Archidektur begeischteretae: Wulche Chrazer in dr down town die sie norm genieal bout! do isch jedes e Meischterwerk! aber dEifamilie Hueser si nit grat Hammer! duenni Waendli, chum Isoliert (das merksch wenn am Morge ufwachsch und ae schnudernase hesch):-}! so mega eifach bout! Ich glaub die hei do e enorme energie verschleiss! in allne Laede brennt in dr Nacht sliecht, dProdukt si enorm abekuelt und ebae dHueser sie nit guet Isoliert!
dLaede hei 7 Taeg in dr Wuche offe!

Vancouver isch e sehr suberi Stadt, do wird au staendig putzt! dLuet si mehr heidlich sehr fruendlich und guetgsinnt!

Neuigkeit zu mim Ufenthalt: Ich han mini Schuel Zit do in Vancouver 2 Wuche verlaengeret! dass heisst ich wird mi letschti Schueltag am 22 September ha! aschliessen gang ich mit zwoine vo dr Schuel e Wuche lang dVancouverisland go bereise! das mues e wunderschoeni Insle si!

Ich dank allne wo sich interessiere fuer mi ni Erlaebniss und an mich daenke! das duet mega guet, wenn me weis do si Luet wo hinter eim stoi!
God bless you! Rolf